Fæðingarsaga Daníels Hrafns
Á jóladag fór ég að finna smá samdrætti en ekkert sem ég var að taka mark á, enda búin að vera með verki af og til í margar vikur. Þetta var síðasta kvöldið sem tengdó voru hjá okkur og við eyddum kvöldinu í kósý spjall og horfðum svo á Okkar eigin Osló, ný Íslensk mynd sem við fengum í jólagjöf.
Myndin kláraðist rúmlega 23 og þegar ég stóð upp heltust yfir mig brjáluðu verkir með 3 mín millibili, bara einn tveir og bingó. Pétur hringdi á fæðingardeildina og sagði að við værum að koma, enda minnst 30 mín akstur þangað í engri umferð.
Við vorum komin uppeftir rúmlega miðnætti og rosa stutt á milli verkja en ég er bara með 3 í útvíkkun!! Ég var næstum farin að grenja.
Ég var þó ekki send heim þar sem að það var svo stutt á milli verkja.
Ég fer inná fæðingarstofuna og ræð vel við verkina og er í þokkalegu stuði til kl 1. Eftir það verður þetta rosalega erfitt, það er enginn pása á milli verkja og ég hélt í alvöru að ég væri að deyja því þetta er að gerast svo hratt. Gasið er í botni og ég er þvilíkt dofin í framan af því er það er ekki að slá á verkina, ég gef mig þó ekki og garga bara í grímuna.
Ég fæ pressuþörf og nokkrum mínútum seinna kemur höfuðið og svo kroppurinn. Hann er fæddur 02:13, ca tveim tímum eftir að ég kem uppeftir. Hann fæddist með hendina meðfram höfðinu og ég fann vel fyrir því. En ég þurfti engann saumaskap og var ég rosalega fegin því:) Daníel hrafn er fæddur í sigurkufli(belgnum) einsog Ari Freyr.
Hann fæddist 4615gr og 54cm. Ég bjóst við stóru og feitu barni en kannski ekki alveg rúmum 18 mörkum.
